കല്ലട ജലോത്സവം
തെക്കന് കേരളത്തില് നടക്കുന്ന ഏറ്റവും പ്രശസ്തമായ ജലമേഖലകളില് ഒന്നാണ് കല്ലട ജലോത്സവം. എല്ലാക്കൊല്ലവും ഇരുപത്തിയെട്ടാം ഓണത്തിനാണ് കല്ലട ജലമേള നടത്താറുള്ളത്. അതായത് കന്നിമാസത്തിലെ തിരുവോണം നാള്. പ്രധാനപ്പെട്ട എല്ലാ ചുണ്ടന് വള്ളങ്ങളും ഓളപ്പരപ്പില് മാറ്റുരയ്ക്കുന്ന വള്ളംകളിയാണിത്. കല്ലടയാറ്റിലെ മുതിരപ്പറമ്പ് കരുത്രക്കടവ് നെട്ടയത്തിലാണ് വള്ളംകളി. . കല്ലടയാറ്റിന്റെ 1400 മീറ്റര് ദുരം ഇരുകരകളിലും അന്ന് ആയിരങ്ങളുടെ ആവേശമുയരും. ഓണത്തിന്റെ എല്ലാ ആഘോഷങ്ങളും ഈ 28 -ാം ഓണനാളിലേ അവസാനിക്കൂ. ഒരു പക്ഷെ ചമ്പക്കുളത്ത് നിന്ന് ആരംഭിക്കുന്ന വള്ളംകളി സീസണ് കേരളത്തില് അവസാനമാകുന്നതും കല്ലട ജലോത്സവത്തോടെയാണെന്ന് പറയാം. ചാമ്പ്യന്സ് ബോട്ട് ലീഗിന്റെ ഭാഗമായ സുപ്രധാന വള്ളംകളിയാണ് കല്ലട ജലോത്സവം.
